KQZ: Procesi i numërimit të votave të kandidatëve përfundon në 92,73% të vendvotimeve

Komisioni Qendror i Zgjedhjeve ka njoftuar se sa i përket numërimit të votave për kandidatë, deri më 19 shkurt janë numëruar 92.73 për qind e vendvotimeve.

“Sipas të dhënave të pranuara nga Qendrat Komunale të Numërimit, në të cilat është duke vazhduar apo ka përfunduar procesi i numërimit të votave të kandidatëve për deputetë nga Zgjedhjet për Kuvendin e Kosovës, deri më 19 shkurt 2025 janë numëruar 92.73% e vendvotimeve apo 2,349 nga 2,533”.

KQZ-ja ka njoftuar se procesi ka përfunduar në 31 komuna, derisa po vazhdon edhe në shtatë të tjera.

“Procesi i numërimit ka përfunduar në 31 komuna, ndërkaq është duke vazhduar në Qendrat Komunale të Numërimit në 7 komunat tjera: Leposaviq, Pejë, Podujevë, Prishtinë, Prizren, Ferizaj dhe Zveçan”.