Top-pesëshet e grave më të votuara në LVV, PDK dhe LDK sipas rezultateve të deritanishme
Foto: Laura Hasani

Top-pesëshet e grave më të votuara në LVV, PDK dhe LDK sipas rezultateve të deritanishme

Zgjedhjet 2025 February 19, 2025 - 10:55

Komisioni Qendror i Zgjedhjeve (KQZ) po vazhdon procesin e numërimit të votave për kandidatët për deputetë në qendrat komunale të numërimit nëpër komuna të ndryshme të Kosovës. Në disa prej këtyre qendrave numërimi ka përfunduar tashmë.

Në zgjedhjet e 9 shkurtit një numër i madh kandidatësh garuan për deputetë, duke kërkuar mbështetje nga qytetarët për të siguruar një ulëse në Kuvend. Megjithatë, jo të gjithë do të kenë mundësinë të bëhen pjesë e legjislaturës së ardhshme, dhe kjo do të varet nga numri i votave që ata kanë arritur të grumbullojnë gjatë ditës së zgjedhjeve, transmeton Telegrafi.

Derisa KQZ-ja po vazhdon numërimi i votave, disa rezultate tashmë janë publikuar ku edhe janë bërë të ditur numri i kandidatëve më të votuar.

Telegrafi më poshtë sjell top-pesëshet e grave më të votuara në listën e Lëvizjes Vetëvendosje, Partisë Demokratike të Kosovës dhe Lidhjes Demokratike të Kosovës.

Gruaja më e votuar në listën e Vetëvendosjes është Albulena Haxhiu, e cila mban pozitën e ministres së Drejtësisë.

Albulena Haxhiu deri tani ka mbledhur 76 mijë e 522 vota.

E dyta si gruaja më e votuar është Donika Gërvalla, e cila po ashtu mban pozitën si ministre e Punëve të Jashtme dhe Diasporës.

Gërvalla sipas rezultateve të deritanishme ka grumbulluar 68 mijë e 106 vota.

Mimoza Kusari-Lila, radhitet e treta si gruaja më e votuar në listën e LVV-së, atë e kanë votuar 50 mijë e 675 qytetarë.

Ndërsa, e katërta është radhitur kandidatja Shqipe Mehmeti-Selimi, duke marrë mbështetjen me 34 mijë e 133 vota.

Gruaja e pestë më e votuar në LVV-së është kandidatja Saranda Bogujevci.

Kandidatja Bogujevci ka marrë 26 mijë e 910 vota.

Listës së grave më të votuara në Partinë Demokratike të Kosovës, i prin Vlora Çitaku.

Kandidatja për deputete, Vlora Çitaku deri tani ka marrë 30 mijë e 11 vota.

E dyta grua më e votuar është Sala Jashari, duke mbledhur deri tani 29 mijë e 277 vota.

Ganimete Musliu është kandidatja e tretë grua më e votuar, ku sipas rezultateve të KQZ-së, deri tani ajo ka marrë 23 mijë e 571 vota.

Ndërsa, Blerta Deliu-Kodra, radhitet e katërta, atë e kanë votuar 16 mijë e 743 qytetarë.

Kandidatja Ariana Musliu-Shoshi radhitet e pesta grua më e votuar në listën e PDK-së, duke mbledhur deri tani 15mijë e 791 vota.

Në listën e Lidhjes Demokratike të Kosovës, Doarsa Kica-Xhelili është gruaja më e votuar, me 34 mijë e 965 vota deri tani.

E dyta radhitet Hykmete Bajrami, me 32 mijë e 863 vota.

Kandidatja Jehona Lushaku-Sadriu është po ashtu në mesin e grave më të votuara, ajo ka 16 mijë e 773 vota.

E katërta radhitet Marigona Geci me 14 mijë e 30 vota.

Kandidatja Serbeze Muçaj-Kabashi radhitet e pesta si gruaja më e votuar në LDK, ajo deri tani ka marrë 11 mijë e 255 vote.

Zgjedhjet parlamentare janë mbajtur më 9 shkurt, ku sipas rezultateve preliminare, LVV-ja është partia e parë, PDK-ja e dyta dhe LDK-ja e treta.

Procesi i votimit është vlerësuar si demokratik dhe pa incidente.