
Abdixhiku takon ambasadorin Rohde: E njoftova për projektet që do të nisim si qeveri pas 9 shkurtit
Sot, kryetari i Lidhjes Demokratike të Kosovës, Lumir Abdixhiku ka pritur si mysafir në selinë qendrore ambasadorin e Gjermanisë Jorn Rohde.
Ai njoftoi se me të biseduan për ecurinë e fushatës elektorale, raporton Zeri.info.
Abdixhiku falënderoi ambasadorin gjerman për mbështetjen e vazhdueshme që shteti i tij i ka dhënë Kosovës, teksa e ka njoftuar edhe për projektet kryesore që ka synim t’i bëjë nëse hyn në pushtet.
“Në Selinë Qendrore të LDK-së, prita ambasadorin e Gjermanisë Jorn Rohde. Atë e njoftova për ecurinë e fushatës eloktorale dhe momentumin e mirë nëpër të cilin po kalon Lidhja Demokratike e Kosovës në tubimet e mëdha elektorale në gjithë Kosovën!
E falenderova për mbështetjen e vazhdueshme të Gjermanisë; siç dhe e njoftova për projektet kryesore që do të nisim si qeveri pas datës së 9 shkurtit.
Investimet gjermane, në Kosovë, do të trajtohen me prioritet strategjik”, shkroi kreu i LDK-së në një postim në Facebook. /Zëri