Hamza viziton një fermë në Keçekollë: Kosova mundet më mirë për bujqit dhe blegtorët

Kandidati i PDK-së për kryeministër, Bedri Hamza, përmes një postimi në Facebook ka bërë të ditur se ka vizituar një fermë në Keçekollë.

“Nuk ka si qumështi i freskët në fshatrat tona! Zyrafetja dhe Afrimi kanë arritur të ndërtojnë një fermë moderne në Keçekollë, ku i mbajnë rreth 70 lopë qumështore dhe me këtë punë sigurojnë të ardhurat për familjen e tyre”, shkroi ai.

“Më bëri shumë përshtypje përkushtimi i tyre i madh në punë. Kosova duhet ta rrisë prodhimin vendor dhe programi im parasheh zgjerimin e subvencioneve dhe granteve, sidomos për prodhimet bujqësore dhe blegtorale. Kosova mundet ma mirë për bujqit dhe blegtorët tanë”, shkroi Hamza.