Rama takon Lladrovcin, bën thirrje që në zgjedhjet e 9 shkurtit të votohet PDK-ja dhe kandidati më i përgatitur për Kryeministër
Kandidati për deputet i Partisë Demokratike të Kosovës (PDK), Rrahman Rama, ka vizituar Komunën e Drenasit, ku u takua me kryetarin e kësaj komune Ramiz Lladrovcin.
Përmes një postimi në Facebook, përmendi edhe Fehi dhe Xhevë Lladrovcin, si dy figura heroike në sakrificën për liri.
Ai tha se në zgjedhjet e 9 shkurtit i fton qytetarët që të mbështesin PDK-në.
“Sot pata nderin të vizitoj Komunën e Drenasit, një komunë që simbolizon rezistencën, sakrificën dhe krenarinë tonë kombëtare. Kjo komunë, e udhëhequr me përkushtim nga veterani i Ushtrisë Çlirimtare të Kosovës, miku im Ramizi, vëllai i heroit kombëtar Fehmi Lladrovci, mbetet shembull frymëzimi për të gjithë ne. Drenasi gjashtë herë është shpallur komuna me performancën më të mirë, kjo më bën edhe mua krenar”.
“Fehmi dhe Xheve Lladrovci, me luftën e tyre heroike dhe sakrificën sublime, u bënë emblema të lirisë sonë. Kujtimi i tyre, ashtu si edhe i të gjithë dëshmorëve të Ushtrisë Çlirimtare të Kosovës, do të jetë gjithmonë motivi ynë për të ndërtuar një Kosovë më të sigurt, më të drejtë dhe më të zhvilluar. Në zgjedhjet e 9 shkurtit, ju ftoj të mbështesni vizionin e qartë për të ardhmen duke votuar Partinë Demokratike të Kosovës me numrin 131 dhe kandidatin më të përgatitur për Kryeministër”, ka shkruar Rama.
