UEFA publikon renditjen e Fair Play, ja pozita e Kosovës
Sport
November 10, 2026 - 21:06
Federata Evropiane e Futbollit (UEFA) ka bërë publike renditjen e Fair Play, në të cilën përfshihen federatat anëtare, bazuar në sjelljen dhe disiplinën e treguar në ndeshjet e organizuara nën ombrellën e saj.
Sipas kësaj renditjeje, Kosova pozicionohet në vendin e 41-të, duke u përfshirë në klasifikimin që mat respektimin e parimeve të sportivitetit në futboll.
Vlerësimi bëhet duke marrë parasysh kartonët, respektin ndaj kundërshtarëve dhe gjyqtarëve, sjelljen e pjesëtarëve të ekipeve, por edhe atë të tifozëve në tribuna.
Përmes këtij klasifikimi, UEFA synon të promovojë disiplinën, respektin dhe lojën e ndershme në futbollin evropian. /Zëri
