Kosova dorëzohet në fund, Sllovakia merr fitoren në “Sezai Surroi”

Kosova nuk ka arritur të shmangë humbjen në përballjen parakualifikuese për EuroBasketin 2029, pasi është mposhtur nga Sllovakia me rezultat 78-89.

Takimi i zhvilluar në palestrën “Sezai Surroi” nisi me ritëm të lartë nga vendasit, të cilët shfaqën agresivitet në mbrojtje dhe efikasitet në sulm gjatë çerekut të parë. Por loja ndryshoi në periudhën e dytë, ku mysafirët rritën intensitetin dhe përfituan nga rënia e përqendrimit e Kosovës.

Në pjesën e dytë, Sllovakia menaxhoi më mirë posedimet dhe u tregua më e saktë në momentet vendimtare, duke krijuar një epërsi të qëndrueshme. Pavarësisht përpjekjeve për rikthim, diferenca mbeti e paprekur deri në fund.

Kjo humbje e vështirë e komplikon situatën e Kosovës në këtë fazë, ndërsa tashmë vëmendja zhvendoset te sfidat e ardhshme.