Talenti shqiptar shkruan hapin e parë në Serie A, debuton me Genoan
Sport
January 18, 2026 - 15:46
Joi Nuredini po konfirmohet si një nga sulmuesit më premtues shqiptarë të brezit të ri. Futbollisti 18-vjeçar ka shënuar një moment të rëndësishëm në karrierën e tij, duke debutuar me ekipin e parë të Genoas në Serie A, në përballjen ndaj Parmës.
Edhe pse u aktivizua vetëm në minutat e fundit të ndeshjes, prania e tij në fushë përfaqëson një hap të madh për të riun shqiptar dhe një shpërblim për punën e bërë në akademinë e klubit italian.
Nuredini ka qenë protagonist me skuadrën Primavera të Genoas, ku ka regjistruar 40 paraqitje dhe 13 gola, statistika që e kanë futur në radarët e stafit teknik të ekipit të parë.
Debutimi në elitën e futbollit italian shihet si fillimi i një rruge premtuese për sulmuesin shqiptar.
