Juventusi shkruan histori negative në Serie A

Juventus ka regjistruar një rekord negativ historik në Serie A, pas humbjes së fundit që ka bërë bujë të madhe në Itali.

Sipas të dhënave të publikuara nga Opta dhe të raportuara nga Gazzetta dello Sport, bardhezinjtë janë skuadra e parë që humbet një ndeshje kampionati duke pasur 78 për qind të posedimit të topit, që nga momenti kur ky statistikë ka nisur të regjistrohet zyrtarisht, në sezonin 2004/05.

Statistikat e ndeshjes flasin për një dominim të plotë territorial nga Juventusi, me 21 goditje në total, 678 pasime të realizuara dhe 18 goditje nga këndi.

Megjithatë, efikasiteti mungoi në fazën përfundimtare, ndërsa kundërshtari arriti të shfrytëzojë rastet e pakta në dispozicion për të marrë fitoren.

Edhe treguesi i golave të pritur ishte në favor të Juventusit, me 1.34 xG kundrejt vetëm 0.11 të kundërshtarit, por futbolli edhe një herë tregoi se posedimi dhe statistikat nuk janë gjithmonë të mjaftueshme për të fituar. Kjo humbje hyn në histori si një precedent i paprecedentë në Serie A dhe pritet të sjellë reflektime të forta brenda klubit, si te stafi teknik ashtu edhe te lojtarët, në një moment delikat të sezonit për “Zonjën e Vjetër”.