Pensionohet Miralem Pjaniç
Një nga futbollistët më të mirë në historinë e ekipit kombëtar të Bosnjës dhe Hercegovinës, Miralem Pjanië, i ka dhënë fund zyrtarisht karrierës së tij si lojtar. Ai e konfirmoi këtë lajm në një intervistë për gazetën italiane Tuttosport, ku e bëri të qartë se nuk do të kthehet në futbollin profesionist. Pjanië theksoi se ka marrë një vendim përfundimtar dhe se ka nisur një kapitull të ri në jetën e tij në Emiratet e Bashkuara Arabe.
“Nuk do të luaj më futboll, e kam përfunduar karrierën time. Jetoj në Dubai, nuk jam më lojtar aktiv dhe përparësia ime kryesore tani është djali im”, tha Pjanic.
Angazhimi i tij i fundit profesional ishte në CSKA Moskë, por ai episod nuk shkoi siç pritej. Që atëherë ishte e qartë se fundi i një karriere mbresëlënëse si lojtar po afrohej, gjë që tani është konfirmuar zyrtarisht, transmeton Klankosova.tv
Gjatë karrierës së tij, Pjanic ka luajtur për shumë klube të mëdha. Pjanic e filloi karrierën e tij te Metz, u afirmua te Lyon dhe arriti klasin botëror te Roma dhe Juventus, me të cilët fitoi katër Scudetto.
Ai luajti gjithashtu për Barcelonën, Beshiktashin dhe Sharjahun. Ai la një gjurmë të veçantë në futbollin italian, ku u konsiderua si një nga mesfushorët më të mirë në Serie A për vite me radhë.
