Diego Simeone befasohet se si Raphinha nuk e fitoi “Topin e Artë”

Diego Simeone ka pohuar se ylli i Barcelonës, Raphinha, duhet ta kishte fituar “Topin e Artë 2025”.

Kjo vjen pas performancës së shkëlqyer të brazilianit kundër Atletico Madridit të martën mbrëma, ku Barcelona e mposhti Atl. Madridin 3-1, për ta blinduar pozitën e parë në tabelë. Vizitorët kaluan në epërsi në minutën e 19-të me anë të Alex Baena. Megjithatë, Raphinha barazoi shtatë minuta më vonë. Dani Olmo (65′) dhe Ferran Torres (90+7′).

Raphinha filloi në krahun e majtë për Barcelonën dhe kompletoi 18/22 pasime, duke bërë tri pasime kyçe. Ai tentoi katër gjuajtje, kompletoi 2/2 driblime dhe fitoi 4/5 duele (përmes SofaScore). Pas ndeshjes, trajneri i Atletico Madrid, Diego Simeone, e lavdëroi yllin 28-vjeçar.

“Nuk kam idenë se si nuk fitoi Topin e Artë. Raphinha është lojtar shumë i mirë. Luan anësorin, mesfushorin dhe sulmuesin. Secili e zgjedh atë që e do, kurse unë e zgjedh Raphinhan”, deklaroi pas ndeshjes Diego Simeone.

Raphinha shënoi 34 gola dhe 26 asiste në 57 ndeshje në të gjitha garat për Barcelonën sezonin e kaluar, ndërsa ata fituan tripletën vendase. Megjithatë, ai përfundoi i pesti në renditjen e Topit të Artë 2025.

Ylli i Paris Saint-Germain (PSG), Ousmane Dembele, e fitoi atë, ndërsa Lamine Yamal, Vitinha dhe Mohamed Salah përfunduan nga vendi i dytë në të katërtin, përkatësisht.