Zyrtare: Tahir Lushtaku merr drejtimin e Trepçës

Tahir Lushtaku ka marrë zyrtarisht drejtimin e KF Trepçës.

Kjo u konfirmuar nga vet klubi mitrovicas përmes një njoftimi në faqen e tyre në Facebook.

Lushtaku vjen si zëvendësues i Emin Baliqit, i cili u largua dje zyrtarisht, pas pesë viteve te mitrovicasit.

“Falënderoj klubin për besimin. Jam i vetëdijshëm për përgjegjësinë që mbart kjo fanellë faleminderoj presidentin e klubit z.Nexhmedin Haxhiu si dhe Ajet Shoshollin dhe Rafet Prekazin do të jap maksimumin për të rikthyer energjinë, besimin dhe rezultatet pozitive. Trepça është klub i madh dhe me histori ka potencial, me punë e përkushtim do të mundohemi ta tregojmë në fushë”, ishin fjalët e para të Lushtakut si trajner i Trepçës.