Flaka Loxha rikthehet fuqishëm, fiton medaljen e bronztë në European Open në Sarajevë

Xhudistja kosovare Flaka Loxha është rikthyer në formë të shkëlqyer, duke siguruar medaljen e bronztë në garën European Open, që u mbajt në Sarajevë.

Komiteti Olimpik i Kosovës ka njoftuar se në luftën vendimtare për medalje, Loxha u përball me sportisten shqiptare Fatjona Kasapi, duke arritur një fitore të merituar që e ngjiti në podium.

Ky sukses shënon një tjetër hap të rëndësishëm në karrierën e saj ndërkombëtare dhe dëshmon përgatitjen e lartë të xhudistes kosovare në garat evropiane.

Flaka Loxha po tregon vazhdimisht se është një prej emrave premtues të xhudos kosovare, duke e forcuar reputacionin e Kosovës si një ndër vendet më të suksesshme në këtë sport.