Rrahmani: De Bruyne është përshtatur menjëherë

Mbrojtësi i Napolit, Amir Rrahmani, dha një intervistë të gjatë për mediat italiane dhe ndër të tjera dha mendimin e tij për ardhjen në radhët e të kaltërve të belgut Kevin de Bruyne nga Manchester City.

“Ai është një djalë i mirë dhe inteligjent dhe u përshtat menjëherë me pjesën tjetër të ekipit, pjesërisht falë dhomës sonë të zhveshjes. Ne kemi një grup të hapur këtu, i cili mirëpret mbërritjet e reja.

Dhe Kevini është një lojtar kyç për ne, mund ta çojmë Napolin në majë”.

Ka shumë konkurrencë të brendshme në këtë ekip të Napolit, dhe Rrahmani thekson në intervistën e tij: “Është normale në ekipet e mëdha, por të gjithë e mbështesim njëri-tjetrin”.

Rrahmani konfirmoi gjithashtu se ndihet si një lider i kësaj skuadre: “Po. Na pëlqen apo jo, kam qenë këtu për shumë vite, ka pak prej nesh me këtë ‘vjetërsi’. Secili ka përgjegjësinë të jetë lider në mënyrën e vet, dikush më me zë të lartë dhe dikush më në heshtje”.