Italia mposht Izraelin dhe siguron vendin në play-off

Italia shënoi një fitore të pastër 3-0 ndaj Izraelit në kuadër të kualifikueseve për Botërorin 2026, në një atmosferë jo të qetë në Stadio Friuli të Udines.

Mateo Retegui hapi serinë e golave nga penalltia dhe më pas dyfishoi rezultatin me një goditje të bukur nga jashtë zonës, duke shënuar golin e tij të pestë në katër ndeshjet e fundit për kombëtaren.

Gianluca Mancini vulosi fitoren me një kokë të fuqishme pas një goditje këndi, duke realizuar golin e tij të parë për ekipin e parë të Italisë.

Gianluigi Donnarumma kontribuoi në fitoren me disa pritje të shkëlqyera, duke mbajtur rrjetën e pastër.

Me këtë fitore, Italia konsolidon vendin e saj për play-off-in e Botërorit.