Gerrardi, i hapur për bisedime për rikthimin si trajner te Rangers
Steven Gerrard fitoi titullin e Premierligën skoceze me Rangers në vitin 2021 dhe është një kandidat në listën e ngushtë për të zëvendësuar Russell Martin të shkarkuar.
Gerardi është aktualisht në Arabinë Saudite dhe do të ketë nevojë për siguri se projekti i Rangers është i duhuri për të në këtë fazë të karrierës së tij.
Rangers duan të flasin me Steven Gerrard rreth një rikthimi të mundshëm në “Ibrox” dhe Gerrardi është i hapur për bisedime me ish-klubin e tij, sipas Sky Sports News, transmeton “Zëri”.
Gerrardi është një nga një numër kandidatësh të besueshëm që po dalin, ndërsa klubi harton një listë të ngushtë për të zëvendësuar Russell Martin të shkarkuar.
Megjithatë, nuk do të ishte një bisedë e drejtpërdrejtë me Gerrardin, pasi ata nuk arritën të bien dakord në verën para se Martini të emërohej trajner.
Situata e Gerrardit në Lindjen e Mesme është e ndërlikuar dhe një nga faktorët që do të duhej të diskutohej.
Ai mbetet i vendosur me familjen e tij në Bahrein, pavarësisht se nuk është më në krye të Al Ettifaq në Arabinë Saudite.
Dhe ai gjithashtu do të kishte nevojë për siguri se projekti i Rangers është i duhuri për të në këtë fazë të karrierës së tij, veçanërisht duke pasur parasysh gjendjen e tyre aktuale në tabelë.
Është shumë herët për të thënë se Gerrardi është kandidati i preferuar për Rangers, por ata duan të flasin me legjendën e Liverpoolit dhe Anglisë si pjesë e procesit. /Zëri
