Ekspertët shpjegojnë pse ka njerëz që mund t’i përdorin të dyja këmbët njëjtë si Dembele dhe çfarë cilësish kanë

Ousmane Dembele është lojtari i momentit në futbollin botëror. Sulmuesi francez mposhti Lamine Yamal për të fituar Topin e Artë për Burra, ndërsa Alexia Putellas Bonmati e bëri të tretin radhazi për femrat.

Një nga sekretet e suksesit të francezit është aftësia e tij e rrallë dydekstrale – përdorimi i të dy këmbëve me shkathtësi të barabartë. Të qenit dydekstral e bën atë një lojtar të paparashikueshëm dhe shumë të rrezikshëm për mbrojtësit.

Ekspertët neurologjikë shpjegojnë se njerëzit që përdorin të dy hemisferat e trurit kanë një zhvillim më të ekuilibruar neurologjik dhe më shumë plasticitet, gjë që i lejon të përshtaten shpejt dhe të zhvillojnë aftësi në të dy anët e trupit.

Megjithatë, kjo nuk është vetëm një dhuratë natyrore. Dembele ka ndërtuar aftësinë e tij përmes praktikës së vazhdueshme. Stërvitja intensive dhe përsëritja e gjesteve teknike, si driblimet dhe goditjet me të dy këmbët, kanë forcuar koordinimin dhe shkathtësinë e tij.

Ky kombinim i talentit dhe disiplinës e ka bërë Dembele një lojtar jashtëzakonisht të vlefshëm për PSG-në, duke kontribuar në tripletën e klubit këtë sezon dhe duke i siguruar Topin e Artë.

Në futboll, të qenit dydekstral ofron një avantazh të madh: lojtarët mund të gjuajnë, driblojnë dhe krosojnë nga të dyja krahët, duke e bërë më të vështirë mbrojtjen kundër tyre.

Për Dembelen, kjo aftësi ka qenë vendimtare për të lëvizur me efikasitet në të dy krahët e sulmit, duke i dhënë një fleksibilitet të jashtëzakonshëm dhe duke e vendosur atë në majë të sportit.

Kështu, Topi i Artë i këtij viti nuk është vetëm një njohje për golat dhe asistet, por edhe për punën e palodhur, disiplinën dhe aftësinë e jashtëzakonshme neurologjike që e bën Ousmane Dembele një lojtar unik në botë. /Telegrafi