Marmoushi mungon në derbin ndaj Man Utd të dielën

Manchester City do të jetë pa Omar Marmoushin për derbin e Manchesterit të së dielës, pasi sulmuesi egjiptian pësoi një dëmtim në gju gjatë ndeshjes ndërkombëtare.

26-vjeçari u zëvendësua në minutën e nëntë të ndeshjes kualifikuese të Kupës së Botës të vendit të tij me Burkina Fason - e cila përfundoi pa gola - në Ouagadougou të martën.

Marmoushi, i cili iu bashkua Cityt nga Eintracht Frankfurt për 59 milionë £ në janar, u lëndua pas një ndërhyrjeje të fortë në minutën e katërt.

City tha se skanimet fillestare në Egjipt treguan se Marmoushi do të humbiste derbin kundër Manchester Unitedit në stadiumin Etihad të dielën.

Klubi konfirmoi se Marmoushi “tani do të kthehet në Mançester për më shumë vlerësim dhe për të filluar rehabilitimin e tij”. /Zëri