Fermin Lopez zbulon se cilët shokë skuadre e shtynë të qëndronte te Barcelona

Mesfushori i Barcelonës, Fermin Lopez, ka qenë në qendër të vëmendjes në ditët e fundit të merkatos verore për shkak të interesimit të Chelseat.

Mesfushori në një intervistë për “Mundo Deportivo” zbuloi se cilët bashkëlojtarë e shtynë të qëndrojë te klubi katalan, ku vuri në dukje se ndjeu mbështetjen e të gjithëve në dhomën e zhveshjes, por se pati biseda me kapitenët, duke filluar me Ter Stegenin.

“Kam pasur disa biseda me disa prej tyre, por i gjithë ekipi më ka mbështetur shumë këtë javë dhe të gjithë donin që unë të qëndroja gjithashtu. Dashuria nga dhoma e zhveshjes vlerësohet”, shpjegoi mesfushori andaluzian.

Pa hyrë në detaje, sepse bisedat ishin private, Fermini zbuloi disa emra të shokëve të skuadrës që folën me të javën e kaluar. “Mjaft, por mund t'ju them... Ter Stegen, për shembull. Me të, me Ronaldon, me Pedrin... Me mjaft lojtarë, për të qenë i sinqertë. Edhe Raphinha”.

Katër kapitenët ushtruan rolin e tyre si lider në dhomën e zhveshjes, duke bërë pjesën e tyre në një kohë kur Fermin Lopez u tundua nga Chelsea, e cila shtyu deri në fund. Ai gjithmonë i dha zemrën Blaugranasve dhe vendosi të qëndronte. /Zëri