Hansi Flick flet për dyshen e lënduar te Barcelona
Barcelona e ka nisur mirë mbrojtjen e titullit në La Liga, e cila vazhdon të dielën me një udhëtim në Vallecas, ku do të përballet me Rayo Vallecano.
Barcelona është hasur me vështirësi në Vallecas vitet e fundit, megjithatë sezonin e kaluar arriti të përmbyste rezultatin dhe të fitojë 2-1 ndaj Rayos. Sipas Diario AS, trajneri Hansi Flick shpreson për një rezultat të ngjashëm të dielën, edhe pse e pranon se do të jetë një ndeshje shumë e vështirë për skuadrën e tij.
“Ishte e rëndësishme të nisim me gjashtë pikë, por duam të fitojmë edhe ndeshjen e tretë. Rayo po bën një punë të shkëlqyer, e dinë çfarë duan të luajnë, si në sulm ashtu edhe në mbrojtje. Do të jetë një ndeshje e fortë dhe fusha nuk është aq e madhe sa të tjerat.
Ata luajnë me shumë intensitet. Ne duhet të luajmë me besim dhe të shfrytëzojmë lojtarët që kemi për duele një kundër një.”
Flick nuk do të ketë në dispozicion Gavi-n për këtë udhëtim, pasi Barcelona konfirmoi të shtunën në mëngjes se ai është jashtë për shkak të një dëmtimi të lehtë në gju. Trajneri është i bindur se 21-vjeçari do të jetë i gatshëm pas pushimit ndërkombëtar.
“Kjo është ajo që presim, që ai të kthehet kundër Valencias. Varet nga ecuria e tij. Nga dje deri sot ka treguar përmirësim. Duhet të punojë, dhe ne duhet të presim që të rikuperohet.”
Flick u pyet gjithashtu për Marc Bernal, i cili dëmtoi ligamentin e kryqëzuar gjatë asaj fitoreje ndaj Rayos sezonin e kaluar – para pak më shumë se një viti. 18-vjeçari nuk do të rikthehet këtë të diel, por nuk është larg rikthimit.
“Ai nuk është i gatshëm, por mendoj se ka bërë një hap të madh përpara. Është më i fortë se një vit më parë. Nuk po them se është shumë afër rikthimit, por vendimi i takon stafit mjekësor. Ai është shumë i ri dhe duhet ta kujdesim siç duhet".
