Afrim Tovërlani publikon listën e Kosovës U-21 për ndeshjet ndaj Rumanisë dhe Spanjës
Përzgjedhësi i Kombëtares së Kosovës U-21, Afrim Tovërlani, ka bërë publike listën e ftuar të lojtarëve për dy ndeshjet e muajit shtator.
Dardanët U21 do të zhvillojnë dy ndeshjet e para për kualifikimet e Kampionatit Evropian kundër Rumanisë dhe Spanjës.
Ndeshja e parë do të jetë ajo ndaj Rumanisë në udhëtim me 5 shtator, teksa më 9 shtator luajnë ndaj Spanjës në shtëpi.
Për këto dy ndeshje, përzgjedhësi Tovërlani ka vendosur t’i ftojë 25 futbollistë, ku shumica nga ta luajnë në Superligën e Kosovës.
Altin Gjokaj, Diar Vokrri, Arianit Hasani, Erion Sadriu, Laurent Xhylani dhe Igball Jashari janë vetëm disa nga lojtarët që vijnë nga futbolli vendor.
Në listë gjenden edhe ylli i Stuttgartit, Eliot Bujupi, ai i Holstein Keil, Leon Parduzi, Lorent Talla nga QPR, Leon Frokaj nga FC Aarau dhe Medin Gashi nga Gorica.
