Suedia publikon listën për ndeshjen ndaj Kosovës, mungon Zeneli

Kombëtarja e Suedisë e ka publikuar listën për ndeshjet me Slloveninë dhe Kosovën, të vlefshme për kualifikimet e Kupës së Botës 2026.

Skandinavët do të luajnë gjatë shtatorit dy ndeshjet e para kualifikuese, ku fillimisht presin Slloveninë, pastaj udhëtojnë në Prishtinë për ndeshjen me Kosovën.

Për këto dy ndeshje, përzgjedhësi i suedezëve, Jon Dahl Tomasson, ka publikuar listën me 24 futbollistët e ftuar.

Pjesë e listës janë yjet e mëdha si Alexander Isak, Viktor Gyokeres, Anthony Elanga, Lucas Bergall dhe Isak Hien.

Megjithatë, në listë nuk gjendet edhe mesfushori shqiptar, Besfort Zeneli, i cili kishte lënë Kosovën për Suedinë.

Më poshtë keni listën e Suedisë për dy ndeshjet e shtatorit.