Man Unitedi barazon me Fulhamin

Fulham dhe Manchester United kanë barazuar me rezultat 1-1 në ndeshjen e javës së dytë të Ligës Premier.

Matheus Cunha e nisi ndeshjen furishëm, duke qenë rrezik i madh për portën e Fulham, duke rrezikuar që në minutën e 2-të.

Braziliani kishte rast edhe në minutën 14-të, por që goditja e tij u prit nga portieri. Fulham u kundërpërgjigj me Alex Iwobin, por portieri i Man Utd bëri një pritje të bukur. 

Në minutën e 33-të, Man Utd fitoi penallti, por kapiteni Bruno Fernandes gjuajti lartë mbi portë. 

Në fillimin e pjesës së dytë, Djajtë e Kuq shënuan golin e epërsisë, me Rodrigo Muniz që shënoi në portën e tij për 1-0. 

Por vendasit nuk u dorëzuan dhe në minutën e 73-të, barazuan shifrat, me Alex Iwobin që asistoi te Emile Smith Rowe që shënoi për 1-1. 

Në minutën e 88-të, Man Utd ka mundur të fitojë kur Harry Maguire rrezikoi me kokë, por nuk ishte i saktë. 

Pas kësaj ndeshje, Fulham ka 2 pikë, ndërsa Man Utd ka 1 pikë.