Zyrtare: Roma përforcohet me Evan Fergusonin

Roma ka njoftuar se është përforcuar me Evan Fergusonin.

Lajmi është konfirmuar nga vetë klubi, përmes një komunikate zyrtare në rrjetet sociale.

Klubi italian ka transferuar lojtarin në formë huazimi nga Brightoni.

“AS Roma ka kënaqësinë të njoftojë nënshkrimin e Evan Fergusonit nga Brighton & Hove Albion.

Marrëveshja është një huazim me mundësi blerjeje.

I lindur në Bettystown më 19 tetor 2004, Fergusoni është lojtari i parë irlandez në historinë e Romës. Pasi luajti për Bohemian FC, ai u transferua në klubin e Premier League Brighton në vitin 2021. Në janar 2025, ai u bashkua me West Ham në formë huazimi.

Ai debutoi me ekipin e parë të Irlandës në nëntor 2022 dhe ka shënuar katër gola në 18 paraqitje deri më tani. Për klubin dhe kombëtaren, ai ka bërë 103 paraqitje dhe ka shënuar 21 gola.

Fergusoni ka zgjedhur fanellën me numrin 11.

Mirë se vini në Romë, Evan!”, thuhet në komunikatë. /Zëri

ë Evan Ferguson è un nuovo calciatore giallorosso! ë

ë https://t.co/dBGvsk39Kf#ASRoma pic.twitter.com/EfWaMFpqU3

— AS Roma (@OfficialASRoma) July 23, 2025