Zyrtare: Dukagjini transferon portierin, Cyrus Margono
KF Dukagjini ka njoftuar se ka transferuar portierin 23-vjeçar, Cyrus Margono.
Lajmi është bërë i ditur nga vetë klubi, përmes një njoftimi në faqen zyrtare në Facebook.
Margono i bashkohet Dukagjinit pas një periudhe të kaluar në Greqi te Panathinaikos B, ku ishte aktivizuar në 17 ndeshje.
“Gardiani” indonezian ka luajtur edhe për ekipet universitare në SHBA: Denver Pioneers dhe UK Wildcats. /Zëri
Postimi i plotë nga klubi:
KF Dukagjini ka kënaqësinë të zyrtarizojë marrëveshjen me portierin, Cyrus Margono.
Margono vjen pas një periudhe të kaluar në Greqi te Panathinaikos B, ku u aktivizua në 17 ndeshje.
"Gardiani" indonezian ka luajtur edhe për ekipet universitare në SHBA: Denver Pioneers dhe UK Wildcats.
23-vjeçari ishte me ne edhe gjatë fazës përgatitore në Turqi, ku me cilësitë e treguara mes shtyllave dhe besimin që fitoi gjatë kësaj periudhe, besojmë se ai do të jetë një forcë e rëndësishme dhe një vlerë e shtuar për ekipin tonë.
Cyrus është i gatshëm për sfidat pranverore, andaj ne i urojmë mirëseardhje dhe suksese me fanellën "bardhegjelbër".
Selamat datang, Cyrus Margono!
