Real Madridi mbyll derën për nënshkrime të janarit

Edhe pse me shumë nevoja, Real Madridi ka mbyllur derën për çdo transferim në janar, shkruan Marca.

Real Madridi ka zgjedhur të mbetet i kujdesshëm me tregun e transferimeve, pavarësisht disa mungesave në skuadër për shkak të dëmtimeve.

Mesfushorët Fede Valverde, Aurelien Tchouameni dhe Eduardo Camavinga janë përdorur si mbrojtës të improvizuar këtë sezon pas lëndimeve të Eder Militao dhe Dani Carvajal.

Megjithatë, Carlo Ancelotti është përsëri me shpresë pas rikuperimit të David Alaba dhe shfaqjes së mirë të Raul Asencios.

Los Blancos tani do të presë deri në verë për të afruar Trent Alexander Arnold , që pritet të mbërrijë falas në Madrid. /Telegrafi/