Napoli fiton me përmbysje ndaj Juventusit
Sport
January 25, 2025 - 20:01
Napoli ka fituar në derbi përballë Juventusit me rezultat 2-1 në kuadër të javës së 22-të në Serie A.
Ndeshja nisi me një ritëm të lartë dhe dy skuadrat që kërkonin të shënonin sa më parë.
Por, goli i parë u shënua nga Binaconerët, më saktë nga transferimi i tyre më i ri, Randal Kolo Muani, që realizoi në minutën e 43-të.
Por, 45 minutat e dytë ishin tërësisht në dispozicion të Napolit që shënoi dy gola.
Frank Anguissa shënoi për 1-1 në minutën e 57-të, kur u asistua prej Matteo Politanos.
Fitoren napolitanëve ua siguroi Romelu Lukaku, kur realizoi nga penalltia në minutën e 69-të.
Napoli vazhdon si lider me 53 pikë, ndërsa Juventusi është në vendin e pestë me 37 sosh.
Në javën e 23-të, Zonja e Vjetër do të ketë punë me Empolin.
