Fjalët e para të Haalandit pas kontratës së re 10-vjeçare me Man Cityn

Sulmuesi norvegjez, Erling Haaland, ka treguar se është i lumtur me rinovimin e kontratës me Manchester Cityn, të cilin e ka cilësuar si klub të veçantë.

Haalandi ka nënshkruar një kontratë të re 10-vjeçare me Manchester Cityn, duke e mbajtur atë në klub deri në verën e vitit 2034.

Duke reflektuar për marrëveshjen e tij të re, Haalandi tregoi arsyet e rinovimit, teksa tregoi edhe objektivat e tij dhe të klubit.

“Jam vërtet i lumtur që kam nënshkruar kontratën time të re dhe që mund të pres që të kaloj edhe më shumë kohë në këtë klub të madh”, ka thënë fillimisht Haalandi.

“Manchester City është një klub i veçantë, plot me njerëz fantastikë me mbështetës të mrekullueshëm dhe është lloji i mjedisit që ndihmon për të nxjerrë më të mirën nga të gjithë”.

“Unë gjithashtu dua të falënderoj Pepin, stafin e tij stërvitor, shokët e mi të skuadrës dhe të gjithë në klub pasi të gjithë më kanë ndihmuar kaq shumë në dy vitet e fundit. Ata e kanë bërë këtë një vend kaq të veçantë për të qenë dhe tani unë jam në City pa marrë parasysh çfarë”.

“Dua të vazhdoj të zhvillohem, të vazhdoj të punoj për t’u përmirësuar dhe të përpiqem të bëj më të mirën për të na ndihmuar të arrijmë më shumë sukses në të ardhmen”, përfundoi ylli norvegjez. /Telegrafi