PSG-ja fiton ndaj St Etienne dhe vazhdon sezonin perfekt në Ligue 1

PSG ka shënuar fitore ndaj St Etienne me rezultat 2-1 në kuadër të javës së 17-të të Ligue 1.

Ndeshja nisi shumë mirë për PSG-në që arritën të shënonin që në minutën e 14-të me Osumane Dembele që gjeti rrjetën për 1-0.

Pas disa minutash, PSG fitoi penallti dhe ishte sërish Dembele që gjeti rrjetën për të shënuar për 2-0.

Në pjesën e dytë, skuadra e Luis Enriques uli ritmin dhe se rrjedhojë ishte St Etienne që gjeti rrjetën për 2-1 me anë të Zuriko Davitashvilin.

Por pas këtij goli, ndeshja nuk kishte më histori dhe PSG mori fitoren e 13 sezonale.

Parisienët janë në vendin e parë me 43 pikë, duke filluar shkëputjen nga ndjekësit. /Telegrafi/