Granit Xhaka dhe Edon Zhegrova në garë për ekipin e vitit “EA Sports FC 25”

Të hënën është hapur zyrtarisht votimi për ekipin e vitit “EA Sports FC 25”, ku në listë janë edhe dy shqiptarë.

Mes yjeve të futbollit që janë në listë përfshihen mesfushori i Bayer Leverkusen, Granit Xhaka, dhe sulmuesi i Lille, Edon Zhegrova.

Tifozët nga e gjithë bota kanë mundësinë të votojnë për ekipin e tyre të preferuar të vitit.

Ky është një nga rastet e pakta ku tifozët kanë zërin vendimtar në zgjedhjen e ekipit.

Votimi filloi të hënën dhe do të përfundojë më 12 janar, ndërsa ekipi final do të shpallet më 15 janar.

Në garë janë emra të mëdhenj të futbollit botëror, duke e bërë konkurrencën të fortë për Zhegrovën në sulm dhe Xhakën në mesfushë. /Telegrafi/