Unitedi vazhdon me rezultate katastrofale, mposhtet në Old Traford nga Newcastle

Manchester United ka vazhduar krizën e madhe të rezultateve, teksa ka pësuar humbjen e tretë radhazi.

Djajtë e Kuq janë mposhtur para adhuruesve të vet nga Newcastle United me rezultat të pastër 0-2.

Mbrenda 20 minutave të para mysafirët kryen punën e fituesit, ku realizuan të dy golat.

Ishte minuta e katërt e ndeshjes, kur top sulmuesi suedez Alexander Isak shënoi për 0-1.

E 15 minuta më vonë, në skenë doli braziliani Joelinton që shënoi për 0-2 pas asistimit nga Aaron Gordon.

Vendasit tentuan të riktheheshin në lojë në pjesën e mbetur të ndeshjes, megjithatë mysafirët u treguan shumë të mirë në mbrojtje duke mbrojtur rezultatin dhe duke marrë fitore të madhe.

Me këto tre pikë Newcastle United zë vendin e pestë në tabelë me 32 sosh, derisa Man Utd është në pozitën e 14-të me 22 pikë.

Në xhiron e ardhshme Manchester United luan në udhëtim te Liverpooli, derisa Newcastle United do të ketë punë në Londër përballë Tottenham Hotspur. /Telegrafi/