Gjiganti italian po përgatit një ofertë befasuese për ta transferuar yllin e Man United
Luke Shaw mund t’i ofrohet një ‘rrugë shpëtimi’ nga Manchester United në janar pasi një klub evropian thuhet se po konsideron për ta bërë një ofertë për transferimin e tij.
Shaë ka qenë pjesë e Unitedit për më shumë se një dekadë tani pasi iu bashkua atyre nga Southamptoni në 2014 për 30 milionë euro.
Mbrojtësi i majtë ka shënuar katër gola në 278 ndeshje për Unitedin gjatë kësaj kohe duke fituar dy herë FA Cup dhe Ligën e Evropës.
Sidoqoftë, aventura e Shaë me ‘Djajtë e Kuq’ është penguar nga lëndimet e shpeshta dhe kjo ka bërë që ai të ketë vetëm tri paraqitje deri më tani këtë sezon.
Së fundmi ai u lëndua sërish dhe atë e konfirmoi përmes llogarisë së tij në Instagram teksa ai është paraqitur nën urdhrat e trajnerit të ri Ruben Amorim në ndeshjet ndaj Ipswich Town dhe Everton.
Me këto thashetheme që po qarkullojnë për të ardhmen e tij afatgjatë nën urdhrat e Amorim, një klub nga Serie A thuhet se mund të jetë destinacioni i tij i ardhshëm.
Sipas një raportimi nga Football 365, Napoli thuhet se po konsideron që të bëjë një ofertë për të siguruar shërbimet e reprezentuesit anglez.
Napoli drejtohet nga ish-trajneri i Chelseat dhe Tottenhamit, Antonio Conte, i cili së fundmi kishte pasur si objektiv Ligën Premier për të sjellë lojtarë të ri në ekipin e tij. /telegrafi
