Zyrtare: Benjamin Kololli rikthehet tek Sioni
Sport
December 27, 2024 - 16:21
Klubi zviceran Sion ka njoftuar sot (e premte) përmes një komunikate zyrtare në rrjetet sociale se kanë transferuar në radhët e tyre Benjamin Kolollin.
Futbollisti kosovar kështu po rikthehet sërish tek klubi i cili kishte luajtur gjatë viteve 2013-2015.
“FC Sion ka kënaqësinë të njoftojë transferimin e Benjamin Kolollin. 32-vjeçari rikthehet në Valais duke nënshkruar kontratë deri në qershor të 2026”, thuhej në njoftimin e klubit.
Kujtojmë që Kololli së fundmi ishte pjesë e Baselit aty ku gjatë vitit 2024 zhvilloi 17 ndeshje duke shënuar 2 gola.
