Trepça ndahet me Cambridge, përforcohet Prishtina

Klubet kosovare të basketbollit kanë nisur të bëjnë ndryshime në ekipet e tyre.

Kampionia aktuale, Trepça ka njoftuar se i ka ndarë rrugët me basketbollistin amerikan, Desmond Cambridge.

“Xehetarët” i kanë uruar suksese në vazhdim të karrierës lojtarit të tyre të deritashëm, ndërsa gjatë janarit pritet që klubi Gjelbër e Zi të bëjë përforcime.

Më poshtë mund ta shihni njoftimin e kampionëve të Kosovës.

Ndërkohë, Sigal Prishtina është përforcuar së fundmi me fundorin amerikan, Ricky Tarrant.

Klubi Bardhekaltër e ka zbuluar përforcimin e radhës përmes faqes së vetë zyrtare në Facebook.