Liverpooli eliminon me shumë mund Southamptonin nga EFL Cup

Liverpooli ka kaluar në gjysmëfinale të EFL Cup, pasi kanë eliminuar Southamptonin me rezultat 2-1.

Pas 24 minutash lojë, Darwin Nunez kaloi The Reds në epërsi.

Tetë minuta më vonë, Harvey Elliott dyfishoi rezultatin për Liverpoolin me një asistim të Cody Gakpos.

Me kaq edhe përfundoi pjesa e parë, derisa në 45 minutat e dytë u shënua vetëm një gol.

Cameron Archer shënoi golin e vetëm për Southamptonin, kur shënoi për 2-1 në minutën e 59-të.

Liverpooli do të mësojë së shpejti emrin e kundërshtarit, me të cilin do të përballet në gjysmëfinale. /Telegrafi/