Casemiro shpjegon arsyen pse ia dha medaljen e FA Cup një bashkëlojtari të tij tek Unitedi

Mesfushori i Manchester United, Casemiro, ka shpjeguar arsyen pse ai ia dha medaljen e fituesit të FA Cup një bashkëlojtarit të tij.

Unitedi e fitoi FA Cup për herë të 13-të në historinë e klubit kur e mposhtën rivalin Man Cityn me rezultat 2-1 në finalen që u zhvillua në ‘Wembley’.

Casemiro faktikisht ishte menduar të ishte në bankën rezervë për atë ndeshje, por u detyrua të tërhiqej nga skuadra pasi kishte ndjerë një shqetësim muskulor para se të fillonte sfida.

Sidoqoftë, kur erdhi momenti për t’u shpërndarë medaljet e FA Cup, Casemiro e mori atë dhe ia dhuroi menjëherë Tyrell Malacias, i cili nuk luajti asnjë minutë të vetme në sezonin 2023/2024 për shkak të një lëndimi në gju.

Malacia ishte prezent në atë ndeshje dhe ishte i përfshirë në festën që u bë pas ndeshjes, por nuk ishte në gjendje që të merrte medalje.

Sidoqoftë, ai e mori atë nga bashkëlojtari i tij Casemiro, i cili tashmë ka treguar arsyen pse e mori këtë vendim.

“Nuk e dija se Malacia ka folur për këtë temë, por është e vërtetë, unë ia dhashë atij medaljen time. Ai nuk luajti asnjë ndeshje të vetme atë sezon dhe nuk dëshironte që të merrte pjesë në festën që u bë”.

“Nuk pati medalje për të, kështu që unë ia dhashë timen. Ai është pjesë e skuadrës dhe ne llogarisim tek ai”.

“Ani pse nuk ka luajtur atë sezon, ne e duam atë, kemi nevojë për të dhe ai ka nevojë për dashuri”, ka thënë Casemiro./Telegrafi/