Vazhdojnë paraqitjet e mira të Zhegrovës, shënon gol dhe shpallet lojtari i ndeshjes ndaj Rennesit

Pas tri barazimeve radhazi në elitën e futbollit francez, Lille më në fund ka gjetur rrugën tek fitoret duke mposhtur Rennesin në shtëpi.

Lille dhe Rennes u takuan në kuadër të javës së 12-të në Ligue 1 sfidë e cila përfundoi me rezultat 1-0 në të mirë të vendasve.

Protagonisti kryesor i kësaj fitoreje për Lille ishte ylli kosovar Edon Zhegrova i cili shënoi golin e tri pikëve.

Po luhej minuta e 45-të e kësaj sfide kur Zhegrova shënoi për t’i dhënë epërsinë Lille prej 1-0 pas asistimit të Jonathan David.

Për këtë gol dhe në përgjithësi paraqitjen e tij, Zhegrova u shpall lojtari më i mirë i ndeshjes nga Sofascore duke marrë notën 7.3.

Zhegrova gjithashtu pati edhe dy goditje në drejtim të portës, dy duele të fituara dhe u ndal në mënyrë të palejuar dy herë nga kundërshtarët.

Me këtë gol të realizuar Zhegrova tashmë numëron katër gola dhe një asistim pas 10 ndeshjeve në kampionat./telegrafi