Tifozët kuqezi nuk zhgënjejnë, “San Siro” plot për sfidën ndaj Juventusit

Pavarësisht rezultateve të luhatshme në këtë pjesë të parë të sezonit, tifozët e Milanit përgjigjen edhe një herë.

Sipas ‘Gazzetta dello Sport’, në kuadër të ndeshjes së radhës në Serie A kundër Juventusit, që do të luhet të shtunën e 23 nëntorit në orën 18:00, ‘San Siro’ do të jetë e mbushur me tifozë.

Tashmë janë shitur të gjitha biletat për një nga klasikët e futbollit italian. Pritet që Milani të thyejë shifrën e një milion e gjysmë tifozësh këtë sezon, duke marrë parasysh edhe kampionatin, edhe Ligën e Kampionëve./rtsh