Rodri synon të luajë sërish këtë sezon

Mesfushori i Manchester Cityt, Rodri thotë se nuk e ka përjashtuar mundësinë që të luajë sërish këtë sezon.

Fituesi i “Topit të Artë” ka mbetur jashtë fushës që kur pësoi një dëmtim të ACL kundër Arsenalit në shtator.

Pep Guardiola pohoi se sezoni i lojtarit “kishte përfunduar”, por Rodri është zotuar të bëjë gjithçka që mundet për t’i dhënë vetes një shans për t’u rikthyer përpara se të përfundojë sezoni.

“Kam në mendje të luaj këtë sezon”, tha Rodri në emisionin spanjoll COPE të hënën.

“Tani sezonet janë duke u zgjatur dhe Kupa e Botës (Klube) përfundon më 13 korrik, kam në mendje të rikthehem këtë vit, si një sfidë. Unë tashmë kam filluar të eci dhe po ndihem më mirë nga sa mendoja”.

28-vjeçari u pyet gjithashtu për të ardhmen e tij dhe nëse ai kishte ndonjë dëshirë për t’u kthyer në La Liga në një moment të karrierës së tij.

“Sinqerisht më pëlqen të jetoj në të tashmen, kam një kontratë me klubin tim, jam shumë i lumtur atje”, u përgjigj ai.

“Dhe e vërteta është se që kur mbërrita në Angli, ndjej se ajo ka qenë shtëpia ime.

“Unë e shikoj ligën spanjolle dhe jam ende i pasionuar për të, padyshim që shoh klubet e mëdha, se si ata vazhdojnë të rriten, por për mua liga angleze është gjithashtu e veçantë. Ajo që po përjetoj atje, në klubin ku jam, jo ëvetëm ekipi, por shumë njerëz mund të mos e njohin klubin, por është një klub me të cilin ndihem shumë i identifikuar, është shumë i njohur dhe ndihem shumë rehat atje”. /Zëri