Ish-mesfushori legjendar i Chelseat ma një propozim të drejtpërdrejtë: Largojeni këtë lojtar për ta fituar titullin

Chelsea është këndellur këtë sezon dhe është në pjesën e epërme të tabelës për dallim nga sezonet e kaluara kur qëndronte në mes të Ligës Premier.

Megjithatë për të luftuar për titullin kampion, londinezëve i duhet një portier i kalibrit të lartë sipas ish-mesfushorit të tyre John Obi Mikel.

Ish-mesfushori legjendar i Chelseat ka thënë se me Robert Sanchezin në portë, nuk ka shpresë se Chelsea do të fitoj titullin në Angli.

“Sanchez ka disa paraqitje këtu dhe atje, por nëse duam të fitojmë Ligën Premier ose të përfundojmë në top katërshe, mendoj se kemi nevojë për një portier më të mirë”.

“Një portier që është i qëndrueshëm, i qetë dhe i besueshëm”, deklaroi John Obi Mikel.

Nuk ka asnjë siguri nëse Chelsea ka një portier të tillë në radhët e tyre, pavarësisht se ka të paktën tetë të tillë në skuadër.

26-vjeçari po kalon sezonin e tij të dytë në Stamford Bridges, megjithatë ai vazhdon të mos i bind tifozët e Chelseat. /Telegrafi