Al Hilali mendon ta zëvendësojë Neymarin me Ronaldon

Gjiganti i Arabisë Saudite, Al Hilali, raportohet se po mendojnë një lëvizje të guximshme për t’i dhënë fund kontratës së Neymarit dhe për ta zëvendësuar atë me Cristiano Ronaldon e Al Nassrit, sipas “Sport”.

Vendimi i mundshëm pasqyron shqetësimet e Al Hilalit për historinë e fundit të lëndimeve të Neymarit, me klubin që tani heziton ta përfshijë atë në listën e janarit.

Çështjet e vazhdueshme të lëndimeve të Neymarit kanë ngritur dyshime brenda klubit për ndikimin e tij afatgjatë, pavarësisht 90 milionë eurove të shpenzuara për ta sjellë atë nga Paris Saint-Germaini në fillim të këtij viti.

Aktualisht, Neymari ka kontratë të vlefshme me klubin deri më 30 qershor të vitit të ardhshëm, me opsion një tjetër. /Zëri