Xhaka: Humbja me rezultat të thellë nga Liverpooli, e turpshme
Futbollisti Granit Xhaka, ishte goxha kritik pas ndeshjes që skuadra e tij Bayer Leverkuseni u mposht thellë nga Liverpooli, 4:0.
Xhaka ka theksuar se humbja me rezultat të thellë nga Liverpooli, është e turpshme për kampionin e Gjermanisë.
“Ne po pranojmë gola të lehtë dhe kjo nuk duhet të ndodhë në këtë nivel garash – dhe kjo është turp”, ka thënë Xhaka, raporton “sport.ch”.
Ai vlerëson paraqitjen e ekipit në pjesën e parë.
“Ne kishim më shumë posedimin e topit dhe gjetëm hapësirën ashtu siç e imagjinonim. Ne jemi në këtë nivel për të luajtur kundër më të mirëve. Dhe, ju mësoni nga më të mirët. Ne patjetër do të marrim me vete shumë gjëra nga kjo ndeshje. Edhe gjërat që nuk ishin aq të mira. Duhet të bëjmë më mirë, por jam i bindur se nëse vazhdojmë kështu, do të fitojmë ndeshje”, është shprehur Xhaka.
Por, Xhaka nuk dëshiron të flasë për ndeshjen e ardhshme.
Xhaka vlerësohet lider i mesfushës së Leverkusenit. 32-vjeçari ka shënuar një gol dhe ka asistuar tri herë në 16 ndeshje në të gjitha garat e edicionit aktual.
