Arda Guler thuhet se ia komunikuar Real Madridit vendimin për të ardhmen, frikë te Perezi shkaku i klubeve angleze
Në verën e vitit të kaluar, Arda Guler mbërriti në Real Madrid në një transferim që kap vlerën e 20 milionë eurove. Ai u parashikua menjëherë si një lojtar që do të ketë një rol të madh në të ardhmen, si një playmaker që do të pasojë Luka Modricin. Sot mesfushori turk është më larg përkufizimeve të tilla.
Vitin e kaluar, gjyshi i Ardas konfirmoi për median turke Demiroren Haber Ajansë se nipi i tij tashmë ishte në kontakt me kroatin dhe shtoi: “Modric e telefonoi nipin tim dhe tha se do të tërhiqet pas një viti dhe do t’i lërë numrin 10 në Real”.
Modric nuk është pensionuar, ai po luan më shumë këtë sezon se ai i kaluar, dhe Guler nuk po merr një shans për të ndikuar në skuadër.
Statusi i tij në Real Madrid analizohet nga MARCA, e cila shkruan se mesfushori i ri ka vendosur të qëndrojë në klub edhe pse disa klube kanë shfaqur interes për shërbimet e tij gjatë merkatos së verës. Një prej tyre ishte klubi nga ai erdhi. Trajneri i Fenerbahçes, Jose Mourinho, i telefonoi personalisht Real Madridin për ta marrë në huazim, por marrëveshja nuk u realizua.
Pritej dhe kështu tha trajneri i Realit, Carlo Ancelotti, që Guler do të kishte një rol më të madh, veçanërisht pasi shkëlqeu në fund të sezonit me pesë gola në pesë ndeshje. Megjithatë, këtë sezon ai ka luajtur vetëm 292 minuta në 11 ndeshje.
Tani në histori janë shfaqur sërish klubet që duan ta largojnë Gulerin nga Madridi dhe Caught Offside shkruan se edhe ai dëshiron të largohet. Anglezët deklarojnë se mesfushori turk është jashtëzakonisht i zhgënjyer me trajtimin që po merr dhe se ai vetë po u ofrohet klubeve.
Dy klubet që lidhen gjithnjë e më shumë me të janë Arsenalin dhe Manchester Cityn, ndërsa nuk përjashtohet as Liverpooli. Të tri klubet angleze duan ta sjellin atë në një transferim të përhershëm, si pjesë e një projekti afatgjatë.
Mediat angleze raportojnë se ekipet në Ligën Premier me siguri do të dërgojnë oferta tashmë në dimër dhe nëse Reali do të mendojë t’i pranojë ato nuk dihet. /telegrafi
