Kosova U-21 pëson humbje të thellë nga Polonia U-21 në kualifikimet për Evropian

Kosova U-21 ka pësuar humbje të thellë 4-0 përballë Polonisë U21 në kuadër të kualifikimeve për Kampionatin Evropian.

Pas 21 minutash lojë, Mariusz Fornalczyk realizoi për 1-0.

Katër minuta më vonë, Arkadiusz Pyrka e dyfishoi epërsinë e polakëve.

Mysafirët vazhduan me paraqitje dominuese, ndërsa shënuan edhe të tretin, tani përmes Dominik Marczuk (31’).

Për 4-0 u përkujdes Jakub Kaluzinski që realizoi nga penalltia në minutën e 45+2-të.

Pjesa e dytë kishte një ritëm më të ulët, derisa nuk pati gola.

Kosova U-21 e drejtuar nga Afrim Tovërlani kishte paraqitje të dobët, ndërsa tashmë janë shuar shpresat për kualifikim.

Dardanët e rinj kanë vetëm 12 pikë, aq sa edhe Bullgaria, ndërsa Gjermania me 25 si lidere dhe Polonia në vendin e dytë me 21, derisa Estonia ka katër pikë dhe Izraeli me tri sosh.