E ardhmja e Ten Hagut, ende e pazgjidhur pas mbledhjes së bordit të Man Utd
Manchester Unitedi nuk ka marrë një vendim përfundimtar për të ardhmen e Erik ten Hag pas një takimi mes drejtuesve të klubit të martën.
Krerët e lartë të Unitedit u takuan në selinë e INEOS të martën, me pronarin e pjesshëm të klubit, Sir Jim Ratcliffe, duke udhëhequr diskutimin së bashku me shefin e ri ekzekutiv Omar Berrada, Dan Ashworth, i cili së fundmi iu bashkua si drejtor sportiv, dhe drejtorin teknik Jason Wilcox, raporton The Guardian.
Takimi erdhi vetëm dy ditë pas barazimit pa gola të Unitedit me Aston Villa në Premierligë të dielën. Rezultati e la Unitedin pa fitore në pesë ndeshje në të gjitha garat dhe rezultatet e tyre zhgënjyese kanë rezultuar në më shumë thirrje për shkarkimin e trajnerit Ten Hag.
Takimi nuk rezultoi në marrjen e ndonjë vendimi madhor, sipas raportit, duke përfshirë një për të ardhmen e Ten Hag.
Megjithatë, ata ende mund të zgjedhin të ndahen me holandezin në ditët në vijim, mes fillimit më të keq të Unitedit në sezonin e Premierligës, i cili vjen menjëherë pas përfundimit më të keq të skuadrës deri në një, pasi përfundoi në vendin e tetë në tabelë në sezonin 2023/24. /Zëri
