Real Madridi s’po negocion me Trent Alexander-Arnoldin

Real Madridi thuhet se ka interes për Trent Alexander-Arnold të Liverpoolit dhe bisedimet thuhet se janë duke u zhvilluar. Megjithatë gazetari i transferimeve Fabrizio Romano ka thënë se Los Blancos nuk po negociojnë me mbrojtësin e krahut.

“Që nga marsi, situata nuk ka ndryshuar. Real Madridi vazhdon të interesohet për situatën e Trent Alexander-Arnold”, tha Romano në YouTube.

“Ajo që më është thënë është se sot, Real Madrid nuk po negocion me Alexander-Arnoldin – ata nuk po diskutojnë kushtet e një kontrate, pagash ose projekti.

Ne nuk jemi në fazat e avancuara të historisë, por interesi i Real Madridit është diçka që është përmendur prej muajsh. Për të parë se çfarë do të ndodhë këtë verë varet nga Liverpooli, sepse ata kanë përparësinë dhe po flasin me Alexander-Arnoldin dhe ne do të shohim se çfarë do të vendosin së bashku”. /Zëri