Szczesny po mendon të transferohet në Barcelonë

Ish-portieri i Arsenalit, Wojciech Szczesny, thuhet se po shqyrton një transferim te Barcelona vetëm disa javë pasi u pensionua nga futbolli.

Barcelona po konsideron nënshkrimin e një portieri të ri pasi pa që portieri i parë Marc-Andre ter Stegen të përjashtohet me një dëmtim të rëndë në gju. Gjermani i është nënshtruar një operacioni dhe mund të mos luajë më këtë sezon.

Katalanasit tani janë duke kërkuar zëvendësues të mundshëm dhe mund të kthehen te Szczesny, sipas “Mundo Deportivo”. Reprezentuesi polak njoftoi tërheqjen e tij nga futbolli profesionist në verë, në moshën 34-vjeçare, por do të ishte i gatshëm të rikthehej nëse arrin një ofertë nga Barcelona.

Barcelona mund të sjellë një zëvendësues përpara afatit kalimtar të janarit, por mund të nënshkruajë vetëm me agjentë të lirë, duke kufizuar opsionet e tyre.

Szczesny është një portier me përvojë, nëse mund të largohet nga pensioni, pasi ka luajtur për Arsenalin dhe Juventusin gjatë karrierës së tij. Ai gjithashtu ka fituar 84 paraqitje për Poloninë dhe ka luajtur për ekipin kombëtar në Euro 2024 së bashku me sulmuesin e Barcelonës, Robert Lewandowski.

Trajneri Hansi Flick ka folur për mundësinë e sjelljes së një portieri të ri gjatë një konference për shtyp. Ai u tha gazetarëve: “Ne do të shohim se çfarë do të bëjmë, ne gjithashtu kemi lojtarë shumë të rinj në mbrojtje. Për momentin, ne nuk ndihemi nën presion dhe kemi besim në Inaki Pena”. /Zëri