PSG fiton me lehtësi ndaj Brestit në shtëpi
Paris Saint-Germaini ka mposhtur Brestin në shtëpi me rezultat 3-1 në kuadër të javës së katërt në elitën e futbollit francez.
Të parët që kaluan na avantazh ishin mysafirët që realizuan përmes Romain Del Castillo në minutën e 29-të nga pika e bardhë për 1-0.
Vendasit arritën që të barazojnë rezultatin pak çaste para përfundimit të pjesës së parë me anë të Ousmane Dembeles që realizoi më kokë për 1-1 pas asistimit të Marco Asensios.
Pas shumë përpjekjeve në pjesën e dytë, PSG-ja ia doli që të gjejë fillimisht golin e rikthimit dhe më pas atë që vulosi përfundimisht fituesin e takimit.
Fabian Ruiz (73’) realizoi një gol të bukur për 2-1 pas asistimit të Achraf Hakimit, ndërsa për 3-1 u përkujdes Ousmane Dembele që realizoi në minutën e 74-të të sfidës.
Kjo ishte fitorja e katërt radhazi në po aq ndeshje në kampionat për PSG-në teksa ata po vazhdojnë si lider i tabelës me 12 pikë të grumbulluara.
Të besuarit e Luis Enriques do të rikthehen në aksion sërish në mesajvë, ku do të takohen me Gironën në kuadër të Ligës së Kampionëve./telegrafi
