Top dhjetë skuadrat më të shtrenjta në botë, ka disa befasi të mëdha në listë

Top dhjetë ekipet më të shtrenjta në vitin 2024 tashmë janë bërë të ditura ku ka disa befasi të mëdha në këtë listë.

Paraja është më e rëndësishme se asnjëherë më parë në nivelin më të lartë të futbollit pasi pothuajse çdo gjë varet nga ajo.

Teksa shifra e transferimit të Neymarit tek PSG-ja prej 200 milionë eurosh nuk është thyer ende pas shtatë vitesh, klubet po shpenzojnë më shumë se asnjëherë më parë për t’u përforcuar.

Çuditërisht kjo listë është e dominuar nga klubet angleze por edhe më befasuese është fakti se Chelsea e mban vendin e parë, duke lënë pas vetes Manchester United dhe Manchester City.

Klubi londinez shtoi në radhët e saj emra si Joao Felix, Jadon Sancho, Pedro Neto, Marc Guiu dhe Kiernan Dewsbury-Hall.

Ndoshta befasia më e madhe në këtë listë është fakti që në top dhjetë u përfshi edhe Newcastle United në mesin e ekipeve si Liverpool, Tottenham dhe Arsenal.

Top 10 e ekipeve më të shtrenjta në botën e futbollit sipas Transfermarkt:

1- Chelsea – 1.07 miliardë euro

2- Manchester United – 910 milionë euro

3- Manchester City – 860 milionë euro

4- Arsenal – 673 milionë euro

5- Tottenham Hotspur – 664 milionë euro

6- Paris St Germain – 651 milionë euro

7- Liverpool – 620 milionë euro

8- Real Madrid – 607 milionë euro

9- Newcastle United – 576 milionë euro

10- Juventus – 528 milionë euro.