Suhareka vazhdon me fitore, Gjilani ende pa asnjë

Suhareka ishte sot nikoqire e Gjilanit, me ndeshjen që u luajt në kuadër të xhiros së katërt në Superligën e Kosovës.

Skuadra e drejtuar nga Shpëtim Duro arriti të sigurojë fitoren e dytë radhazi në tri ndeshje.

Suhareka fitoi 3-2, në një ndeshje mjaft të zjarrtë.

Të parët në epërsi doli Gjilani me anë të golit të shënuar nga Robert Rrahmani, në minutën e 14-të.

Katër minuta më vonë, Suhareka barazoi me anë të Mevlan Zekës.

Pjesa e parë u mbyll me shifrat 2-1, pasi Jarovic e gjeti rrugën e golit.

Pak minuta më vonë, Gjilani mbeti me një lojtar më pak, pasi Kushtrim Shabani u ndëshkua me të kuq.

Pjesa e dytë ishte e tëra e Suharekës.

Me një lojtar më shumë në fushë, Suhareka krijonte raste pa ndalur, derisa e gjeti më në fund golin e barazimit në minutën e 79-të.

Golin e epërsisë për vendasit e shënoi Rexhaj në minutën e 85-të.

Me këtë rezultat u mbyll edhe ndeshja, derisa Suhareka ka arkëtuar 7 pikë në tri ndeshje, duke zënë vendin e tretë në tabelë.

Në vendin e tetë është Gjilani, i cili s’e ka asnjë fitorë këtë sezon, përpos dy barazimeve dhe dy humbjeve.